Umsagnir kennara og kennaraaðgangur
Til að fá kennaraaðgang er nóg að senda tölvupóst á stafbok@stafbok.is
"Ég notaði bókina Kenningar í félagsfræði í framhaldsáfanga í félagsfræði. Mjög aðgengileg bók, þægileg til lestrar og góð til að vinna með. Gefur nemendum innsýn og skilning á kenningum félagsfræðinnar og rannsóknaraðferðum með dæmum úr raunveruleikanum og úr dægurmenningu. Einnig gott að fá með bókinni verkefnavef með fjölbreyttum og áhugaverðum verkefnum."
María Ben Ólafsdóttir kennari í Menntaskólanum í Kópavogi.
"Bókin er auðlesin fyrir nemendur og er sett upp á skemmtilegan hátt. Hún er áhugaverð og skemmtilegar myndir. Nemendum mínum finnst skemmtilegt þegar ég sýni þeim myndskeið um efnið sem er nútímalegt og þau þekkja, ég er að byrja á önn 2 með bókina almenna félagsfræði."
Guðrún Helga kennari í FNV
"Ég hef notað bókina í inngangsáfanga að félagsfræði og hún hefur reynst mér og nemendum vel. Bókin er hnitmiðuð og vel fram sett en nær engu að síður vel til nemenda og býður upp á marga möguleika í námsmati."
Hermann Hermannsson kennari í FSN um bókina Inngangur að félagsfræði - Grunnurinn
"Ég er að kenna afbrotafræði og nota bókina Inngangur að afbrotafræði frá stafbok.is. Ég tel bókina vera nemendamiðaða, þægileg til lesturs, stuttar málsgreinar, stuttir kaflar með áhugaverðum dæmum til útskýringar. Það hefur einnig verið hjálplegt að fá hugmyndir að kennsluefnum út frá bókinni."
Sara Matthíasdóttir kennari í Fjölbrautaskólanum við Ármúla.
"Ég er mjög ánægð með það efni sem ég hef fengið."
Margrét Haraldsdóttir Félagsfræðikennari í Menntaskólanum við Sund
"Ég notaði bókina Afbrotafræði fyrir alla í kennslu á starfsbraut í Tækniskólanum. Umfjöllunarefni í bókinni eru áhugaverð og fróðleg og var efni sett fram á skýran hátt. Aðalatriði voru dregin fram í nútímalegum, stuttum og snörpum textum. "
Jóhanna Hreinsdóttir – kennari í Tækniskólanum
"Mér finnst efnið mjög aðgengilegt og miklu meira fyrir augað heldur en það sem áður hefur verið í boði."
Elín Pálmadóttir kennari í FSH
"Það er frábært að hafa svona kennara og ekki síður námsgagnahöfund sem sýnir starfinu sínu svona mikinn áhuga.
Þú átt mikið hrós skilið fyrir það. Svo eru bækurnar þínar sérstaklega áhugaverðar og nútímalegar - fyrir alla að lesa."
Alfreð Halldórsson sérfræðingur hjá Hljóðbókasafni Íslands.
"Bókin er auðlesin fyrir nemendur og er sett upp á skemmtilegan hátt ásamt því að vera mjög upplýsandi. Ég hef notað bókina í félagsfræði þar sem nemendur hafa talað um hvað bókin er aðgengileg með skemmtilegum myndum. Ekki of langir textar eða kaflar. Mér finnst bókin bjóða upp á mikla möguleika hvað varðar verkefnavinnu og námsmat."
Sveinn Ólafur Magnússon kennari í FS um bókina Inngangur að félagsfræði - Samtíminn
„Ég er vandræðalega svekkt yfir því að vera ekki að kenna félagsfræði núna því ég missi af því að prufukeyra bókina þína.“
Kennari í félagsfræði
„Þetta eru virkilega aðgengilegar og þægilegar bækur að lesa.“
Greinandi og sérfræðingur
„Það sem ég hef lesið hefur verið spennandi og stefni ég á að reyna að nýta hana í áfanga hjá mér sem fyrst.“
Kennari í félagsfræði
„Virkilega skemmtileg, falleg og frábær með skemmtilegum atriðum samhliða því að vera mjög upplýsandi og aðgengileg.“
Stjórnandi í framhaldsskóla
Prófessor Helgi Gunnlaugsson við Háskóla Íslands skrifar:
„Bækurnar eru mikilvægt framlag til kennslu í félagsfræði á framhaldsskólastigi. Þær veita lesendum aðgengilega og skýra yfirsýn yfir félagsfræðileg hugtök og kenningar, með myndrænni framsetningu sem auðveldar skilning á flóknum samfélagslegum fyrirbærum.
Höfundurinn setur fram helstu grundvallarviðfangsefni félagsfræðinnar á nýstárlegan og aðlaðandi hátt sem hentar sérstaklega vel fyrir nemendur sem eru að kynnast faginu í fyrsta sinn. Með blöndu af lifandi dæmum, ferskri framsetningu og áhugaverðum greiningum hafa bækurnar þann eiginleika að vekja bæði áhuga og gagnrýna hugsun nemenda.
Bækurnar eru ekki aðeins gagnlegar fyrir kennslustofuna, heldur líka fróðlegar heimildir fyrir alla sem vilja dýpka skilning sinn á grunnþáttum samfélagsins.“