Íslensk sakamál og kenningar

Bókin er byggð upp í kringum raunveruleg íslensk sakamál sem greind eru með hugtökum og kenningum úr félagsfræði og afbrotafræði. Markmiðið er að hjálpa nemendum að skilja hvernig afbrot verða til, hvernig þau eru rannsökuð og hvernig réttarkerfið bregst við þeim.

Smelltu hér til að skoða sýnishorn af bókinni.

Hægt er að nota hvern kafla sem sjálfstætt kennsluefni eða vinna með bókina í heild. Nemendur geta lesið kafla og kynnt sér atburðarás málsins áður en það er greint með hugtökum og kenningum úr bókinni. Með þessum hætti læra nemendur að beita fræðilegum hugmyndum til að skilja raunveruleg dæmi.

Hugtakaskrá aftast í bókinni er ætluð sem stuðningur við lestur og verkefnavinnu. Kenningaskrá og fræðimannaskrá veita yfirsýn yfir helstu kenningar og fræðimenn sem koma fyrir í bókinni. Málaskrá með tímalínu sakamála gefur jafnframt yfirsýn yfir þau mál sem fjallað er um.