Félagsfræði í nútímanum

Bókin Inngangur að félagsfræði: Grunnur að skilningi á samfélaginu lagði mikilvægan grunn að hugtökum, kenningum og aðferðum félagsfræðinnar. Með henni fengu lesendur innsýn í hvernig samfélagið er rannsakað og hvernig félagsfræðileg sjónarhorn varpa ljósi á daglegt líf. Í Félagsfræði í nútímanum höldum við áfram þeirri vegferð, en beinum athyglinni að samtímanum og þeim hröðu samfélagsbreytingum sem hafa áhrif á líf okkar í dag.

Hægt er að nálgast sýnishorn af bókinni með því að smella hér.

Í upphafi bókarinnar rýnum við í félagsfræðina sem gagnrýna vísindagrein og skoðum hvernig klassískar kenningar hjálpa okkur að skilja vald, veruleika, menningu og framandi félagslega þætti sem móta upplifun okkar af heiminum. Þannig leggjum við traustan fræðilegan grunn fyrir þau málefni sem bókin fjallar um.

Við snúum okkur síðan að stafrænum heimi og tækniþróun. Stafræn bylting, gervigreind og valdleikir tækniheimsins hafa breytt samskiptum, vinnu og upplýsingaflæði á stuttum tíma. Við skoðum hvernig þessi þróun mótar sjálfsmynd, ákvarðanir og samfélagsgerð og hvernig hópar og norm spila lykilhlutverk í því að móta hegðun okkar.

Í framhaldinu rýnum við í málefni sem tengjast líkama, virkni og félagslegri þátttöku. Íþróttir, líkamsmyndir og félagsleg túlkun líkamans varpa ljósi á hvernig menning og samfélag hafa áhrif á upplifun einstaklinga og hópa. Þá beinum við sjónum að íslenskum vinnumarkaði, nýsköpun og hnattvæðingu, og skoðum hvernig þessi öfl breyta störfum, réttindum og félagslegum tækifærum.

Að lokum fjöllum við um innflytjendur, flóttamenn og fjölbreytileika í samfélaginu, sem og loftslagsbreytingar – eina stærstu áskorun samtímans. Þessi viðfangsefni sýna hvernig samfélög þróast og hvernig einstaklingar og hópar þurfa að mæta nýjum veruleika í síbreytilegu umhverfi.

Félagsfræði í nútímanum býður lesendum upp á skýra sýn á þau öfl sem móta samfélagslegt samhengi, val og framtíð samfélaga. Markmiðið er að efla gagnrýna hugsun og veita verkfæri til að skilja betur samtímann og þær breytingar sem móta líf okkar í dag. Ég vona að bókin megi vekja áhuga, umræðu og virka þátttöku í að greina samfélagið, ásamt því að styrkja hæfni lesenda til að sjá tengsl milli daglegs lífs, tækni, menningar og þeirra samfélagslegra afla sem móta framtíðina.

„Bókin er ekki einungis kennslubók heldur einnig ómetanleg heimild fyrir þá sem vilja öðlast betri skilning á samfélagslegum breytingum og þróun."

Helgi Gunnlaugsson - prófessor í félagsfræði við Háskóla Íslands.

Stafbók slf.

Traðarberg 19 - Hafnarfjörður

Ekki er hægt að fá vöruna endurgreidda

Ekki er hægt að skila vörunni

Varan er afhent með tölvupósti og lykilorði